2012年2月19日 - 2012年2月27日 澳洲九日八夜上山下海之旅!!!
2012年2月20日 - 第一日
坐 19 日夜晚九點半機，由家坐電召的士，三十分鐘到機場。
)
八個多小時的飛機航程，訓得唔係好好，
因為掛住睇戲，而家國泰既自選系統，好多野揀，攪到訓唔到，小朋友則開住 "喜愛夜蒲"，然後大覺訓，Zzzzzzz。。。
)
)
到達已經係 20 日早上十點，到達悉尼機場，感覺好細，廁所都好細，去過關，又多人又慢。花了粒幾鐘先可以坐鐵路去中央車站，
)
)
)
酒店就係車站旁邊，見到中央車站好有英國 feel，)
穿過 suburban train 車站到達 Mercer Sydney 酒店，中午十二點半， check in 有房，very good。
即刻上去休息下，房間都 ok ，不過上網一日 24 小時任用成廿幾蚊，一小時就好似 aud 10，焗人用一日，超貴。午餐去附近的 food court 之類的地方食個包，
因為真係貴，什麼都是三、四蚊，即三十蚊港幣，連可樂一罐都要 aud 3 ，點算。。。
)
之後，諗住沿 George street 行去 circular quay ，點知行錯方向，去了 board way street ，以為經過聖瑪莉教堂，點知原來去錯了方向．．．
)
攪到睇極地圖都唔知去邊，入到 board way shopping center，
買了張 virgin mobile 既 data sim 卡，$21 有 1G data，比 smonetone-vodafone 既 $22 得 500MB 抵，即刻上網 book 場，當堂俾小朋友鬧爆。
係呢度有個 k mart ，又有 supermarket ，野飲平好多，不過，心諗無理由拿著行街，無買到（之後好後悔）。
打開手機，搜尋位置先知道行錯路，反轉頭去番酒店，順便去訂 blue mountain 既 day tour ，因之前上網訂果間好似收皮了， 連 web site 都無埋，email 又無覆，惟有改約了星期三的一個 aud 149 既 day tour。
然後坐鐵路去 circular quay ，aud 3.4 一程，三個站，好貴，又搵唔到架免費555，之後先知原來下午三點 last 一班。)
)
)
係 circular quay 見到歌劇院，好靚，一路行過去，好似尖東海旁，買了些手信，有好多 UGG 既毛毛產品，又係太貴，買唔落手，晚餐係旅遊書介紹既 philip's foote，食扒，自己點，自己燒，
aud 31 一份，地方唔錯。
)
食完都係七點，發覺呢度全部 mall 星期一至三都係六點收工，幾開心呀．．． d 員工，無街行，惟有返酒店啦，今日行了好多路，辛苦死小朋友。。。
聽日又係行，不過係動物園。
2012年2月21日 - 第二日
一早七點半起身，自己一個人沿 george street，早上的街道很舒服的呢． 返到酒店，九點四十五分出門口去漁市場，兜了個大圈去搭 tram tram， 然後買了張來回票到 circular quay 的火車票，到了碼頭花了 aud 50 買了張 zoo pass 到 tagaroo 動物園。坐船十五分鐘就到，
)
行到去 QVB，因為呢度附近有間 wool mart 既 supermarket ，
早上六點就開門，呢度 d 野飲都算 ok 平，8 罐 200ml 既可樂只需 aud 7.95，仲買了 ginger ale ，同薯片，其他地方買既 355 ml 可樂要成 aud 3-4 ，
呢度係最平啦。
)
車程廿分鐘就到。呢度有餐廳，有 market，款式好多，
最後我地係第一間餐廳，食了半隻芝士龍蝦，魷魚圈，芝士焗蠔，同半打生蠔，超抵，又好味。
)
)
)
)
)
呢度好似海洋公園加動植物公園，不過走既時候先發覺無見到樹熊，不過有長頸鹿同其他澳洲既動物，見到都好開心。
)
)
)
)
)
)
)
最後坐 cable car 上山頂入口，坐番 shuttle 去碼頭，打算可以搭4：30的船返去，因為呢度 d 商店六點就收工，落船後仲有一個鐘行下街。係度工作幾好，不過就乜野六點就「打咩打咩」，幾悶下。
)
)
經過朝早間 supermarket，買了盒餅仔，再係沿路的一間越南野食晚飯，價錢唔係好貴 aud 10，野食就麻麻。
晚上突然俾我諗到方法破解 pre-paid sim card 唔俾做 hotspot 既方法，俾小朋友 whatsapp 同玩 fashion story ，勁！唔係的話，酒店一小時 aud 10， 或者一日任用 aud 22，都係唔抵。
今晚要早睡，因為聽日六點起身，七點出發 blue mountain 既 day tour，不過攪下攪下，都要成一點先上床。2012年2月22日 - 第三日
六點起身，我收拾行李之際，小朋友碌下碌下咁落床起身，幾醒目，唔使剷。拿拿聲食早餐換衫出門口，
七點五分，導遊接了我地，再去接其他人，一共廿人。我地先去動物園，呢個雖然細，不過勝在有好多袋鼠，可以摸，又可以餵食物。樹熊都有幾隻，任影相，
)
)
)
)
)
)
其他就差唔多。一個多小時就走了，坐車到了一個草地，去玩回力鏢鏢鏢。。。突然間心情緊張，因為要發揮 data sim card 既功用，上網 book 場，
幸好成功了。。。一半，波友遲了登入，失了手，佢話：「點解另一個人咁快？」我串佢話：「我係悉尼都快過你啦。」，book 完場，小朋友眼超超望住，
話我掛住打波波。
而家可以專心玩回力鏢，我一次成功，小朋友都 ok，總好過另一新加坡女仔，一野飛中導遊大脾。原來回力鏢上面既圖案，有不同的意思，導遊俾一張介紹給我們看，
仲 sale 回力鏢，不過，貴過出面好多（後來到了 paddy market 先知，原來可以好平一隻回力鏢）．
)
之後坐個幾鐘，去了個地方遠觀三姐妹岩，一望四周是山谷，很漂亮的．
)
)
再去 country club 食 fish n chips ，呢度真係世外桃源，與世隔絕，電話 no signal，好彩，已經 book 好場。
)
然後，去到美景世界，坐 flying way 落去行樹林，熱帶雨林，很漂亮，很珍貴的樹林，人都精神些。
)
)
)
)
)
再坐 cable way 上番去，個半鐘完成。
)
回程經一條村莊，得間出名貴既 candy shop，再經 Olympic park 去碼頭坐船返 circular quay ，臨走個個都同導遊握手俾 tips，我地無，因為俾團費有兩蚊唔使找，哈哈。
)
)
夜晚，上去酒店既泳池同 gym room ，超小型的。。。
2012年2月23日 - 第四日
)
有相為証，鐘樓的時間係六點五十分．．．
由中央車站行經貝爾摩公園，到伊莉莎白街，到達海德公園，發現肚仔有點唔舒服，見到有個付款廁所．．．俾 aud 0.5 入去爆廁所兼爆門仔，
因為度門既開關有問題，我都唔想架。。。
)
)
公園有個很長的水池，有點像美國的那個，然後，一直路便是聖瑪利教堂，
)
)
沿 market street 到 darling harbor ，再到 fish market，
)
買完早餐，沿 Harris street ，經過科比游泳館，
)
返到酒店，都係九點半，不過成身濕曬，因為太陽好猛，勁熱。突然覺得自己好似雀仔爸爸，一朝出去搵食物返去餵小朋友。
)
早餐後 check out，然後到 paddy's market，其實咪係女人街一樣，比外面平少少。
)
再沿 Pitts street 去 opal museum ，經過間上樓 opal 店，經幾重鐵閘先入到去，原來 opal 係好貴，即閃。到了 opal museum ，
俾個職員寸一下先俾個 free gift ，呢度有 d 平平地既正野，小朋友終於得償所願。
由 George street 行返轉頭，買下 cup cake，買下餅仔，最後帶小朋友參觀朝早爆門果個廁所，飲杯咖啡休息一下．
)
George street 有間 starbucks 幾好 feel，街邊有幾個位，可以 hea 下，幾舒服．
)
)
之後，就返酒店拿行李去 domestic terminal，坐 7：35pm 飛機前往 cairns。
)
坐了三個零鐘，去到 cairns 機場係晚上九點九，呢度比悉尼有一個小時的時差，好細，好似澳門碼頭咁，拿回行李先發覺唔記得點樣由機場去酒店。check 一下旅遊書，
係坐 shuttle bus ，買埋來回 aud 18 一位既車票。
)
廿分鐘左右就到 mantra esplanade ，呢度好似 service apartment，簡單 d ，無所謂啦，都係兩晚。
晚上出去行個圈，得間24小時既麥當奴，仲有就係 bar n pub，酒店對面有個人工湖游泳池，晚上十點已經關門，不過，燈光下顯得十分漂亮，明天有空就去游一下先。。。
)
明天本來 plan 去 kuranda ，不過乜都無準備，只是知道坐火車，有無 local tour，唔清楚，惟有明天早起身出去 check 下啦。
2012年2月24日 - 第五日
到車站是早上的八點十五分，買了到 kuranda 走一圈的 package，aud $120 左右，八點半坐火車出發．
)
)
經清水站，然後向 kuranda 前進，怎知行了五分鐘左右，列車因運作問題停了車，一停便是四十分鐘。。。幸好，問題解決後一路順利．
)
)
)
)
)
到達 kuranda 是上午十一點半，這裡是一個古老小鎮，沿路走向市集，類似 360 市集的，買手信，手工藝品，都算有點收獲。
)
)
)
午餐在 rainforest riverside restaurant 吃肉醬意粉和牛肉批，誠惠 aud 30 ，然後再逛古老市集，這裡還有樹熊動物園，雀鳥園和蝴蝶園，
不過興趣不大，在悉尼已經看夠了。回程坐 skyway 的纜車，經過兩個中途站， barron station 和 red forest station，
)
)
)
)
在 cable way 上看到腳底下全是熱帶雨林，又有瀑布，很漂亮的．
)
)
每個站停留參觀十分鐘，再坐上纜車到達終點站，只是下午三點鐘，逛完便坐四點的 shuttle bus 返中央車站。
因為中央廣場的店舖是五點半收工，一個小時的購物時間剛剛好，最後還買了兩 pack 的咖喱飯，回酒店開餐。
)
看見外面的草地非常熱鬧，一大班人在跳舞，類似 gym 的健美舞步。我吃完飯便出去逛一個圈，看到那個人工湖泳池的附近，有燒烤爐，
可以自助燒烤，到了人工湖泳池，我也游了一下，不過，水就麻麻地好游，如果曬太陽一流。。。
)
)
回酒店跟小朋友去 night market 逛，感覺不錯，收獲很多（小朋友），我得一件澳洲背心，她點止。。。
明天出發 green island ，熱切期待。
2012年2月25日 - 第六日
)
九點鐘叫醒小朋友，十點 check out，拖住行李行過去往大堡礁碼頭，剛好搭到十點半的船，全船載滿遊客，好多 sales 向人 sale 潛水既活動，
我地因為有個 green island 既貼紙，sales 都無睬我地。四十分鐘既航程，我地到達 green island 啦。。。
)
)
正！非常靚的一個地方。)
我地跟住酒店職員前往酒店，講解一輪後，拿到鎖匙，到達 43 號房，入到房。。。果然貴得有道理。休息一陣，換好泳裝，去沙灘坐，毛巾， snorkel ，
沙灘椅， wetsuit ，因為我地係住客，免費。我地先去租隻獨木舟出去，小朋友都識扒兩野，好好玩。
)
)
然後，我地玩 snorkeling ，小朋友好緊張，要一個有少少怕水既佢玩 snorkelling，辛苦佢啦，不過見到好多珊瑚礁同魚游來游去，
好靚！值番。小朋友自己在淺水不斷練習，我就曬下太陽，疏乎下。。。
)
)
五點，去睇餵魚仔，職員一掉糧食入水，一大群魚蜂擁而上，情景壯觀。
)
)
然後係 pool side bar 有個 welcome drink ，之後係食晚飯前去沙灘影相，超浪漫。
)
)
)
)
)
)
晚餐係酒店餐廳，成 aud 39 一個 main course ，食個扒，同條三文魚，盛惠 aud 78，食食下飯突然落起傾盤大雨，
連個去水管都塌下，有個女人當堂濕曬。本來晚上有個 night walk 同睇星，可惜，天氣問題取消了，好在，因為夜晚用的電筒，十分鐘就無電仔。
)
可以早些訓，明天一早起身再去玩獨木舟先。
2012年2月26日 - 第七日
)
)
)
)
好多好野食，並非一般既早餐，食完早餐，去爆石仔，之後，再去沙灘浮潛下，玩下獨木舟仔。。。都唔急在一時，九點半先有得租舟仔， 而家唔爆既話，係就會非法水中餵魚仔。小朋友？仲係度 Zzzzzzzzz
九點鐘，仲未夠鐘去玩，小朋友半開合眼望住我，問我早餐得唔得，我話"得"，佢即刻彈起身，一齊去食，我當然無點佢啦。
然後我去玩獨木舟，今日好大風，同埋尋日落大雨，海水濁，魚又唔多，浮潛都費事，返番房間休息下好過。
十一點，出去坐船到 great adventure 既浮台，呢個時候落起大雨，好在早有準備。
)
)
)
坐了一個小時，來到浮台，無乜頭緒玩什麼，因為一來貴，二來小朋友話只要腳掂唔到地既唔好預佢。。。well，咁一上浮台見到有個 semi sub 既船，
可以係水下面睇下魚游水，合曬小朋友要求。
)
廿分鐘左右，上番浮台，就係午餐時間，ok 啦，食得落。兩點鐘，我拿了 fins 同浮潛泳鏡，先記得只係帶了一條面巾。。。小朋友？ 緊係係浮台打下機啦。呢度既珊瑚礁大好多，靚好多，又多不同類型既魚，好好 feel。
之後我仲換埋平時游水用既泳鏡，同魚仔一齊游渡海泳，自由得多。係浮台，見到有班國內遊客俾個職員鬧爆，指住個男人， 大聲話叫佢三次都要企起身（相信係坐直升機參觀既時候），話佢唔知咩野叫危險。呢個男人我今朝係沙灘都見過，浮潛時亂咁玩。 知道佢地好有錢，直升機都玩，不過水平有限， 靠兩枝野撐住個 S（$）。
不知不覺，已經三點鐘，諗住慢慢沖身換衫，點知原來三點十五分上船，返 resort，好在無留低我。。。
返到去，小朋友全副架餐去泳池練習，終於略有小成，唔知臨走前有無機會再落海浮潛下呢？黃昏天黑黑，拿著電筒去探險，係往碼頭條橋， 用電筒照落水，見到隻海龜游水。。。今晚既晚餐係朝早早餐的蛋糕，生果和之前買落既蛋糕，一來慳 d，二來食曬唔使拎番香港。。。
明天希望好天，可以落多次水。
2012年2月27日 - 第八日
)
十點 check out，不過，十二點船返回 cairns 碼頭，拿拿聲執好野，拿出去 check out，一看見張單，出了冷汗．．．原來之前無留意，之不過加埋 稅，幾貴下．不過，都 OK 啦，豪一下對得起自己．．．
之後，去了 green island 裡面的野生動物園，睇下鱷魚，10:30am 有個餵食 show，剛剛好，因為今天下著雨，外來的遊人也不太多．看餵食都看得很清楚，
很恐怖呢．．．
)
)
)
)
除了 show 之外，都有一些展覽，好似有關鱷魚襲擊人的新聞，都幾得人驚．．．
)
)
小朋友仲買了些珊瑚的手飾，碰到國內旅客大手筆，花費 aud 1200 買了很多的珊瑚手鏈，超豪！
十一點四十五分，回去 receiption 拿行李，慢慢離開這個漂亮的 green island．．．
)
回到碼頭，過去香格理拉等 shuttle 去機場，然後，在機場外的椅子，享受在早餐撻的食物，當作我們的午餐，因為求其一個 hungry jack 餐，都要十幾蚊．．．
)
)
在機場的 duty free，也有不錯的收獲，買了些手信，才發現原來在這裡買手信曲奇，和朱古力，比在外面的商店是更平的，可能是稅的關係．．．
下午三點半飛機，回程只要七個多小時，在飛機上我一直在看電影，看了四部呢，小朋友．．．睡了四五個小時，起身才發現原來有 beauty and the beast 的卡通片呢．．．看未完就落機了，回到香港只是晚上的八點多．．．
不過，剛好碰到寒流，香港居然只得十度！！！
後記:
澳洲的物價很貴，午餐怎樣也要 aud 10，吃扒至少 aud 30，在便利店的 355ml 可樂 aud 3.5-4.0，超貴！不過，想帶乾貨食物入澳洲其實是不容許的，海關會 check，幸運的小朋友帶的杯麵沒有搜出來，所以最好在到步後，找一間超級市場，來一個入貨的準備，有的大支裝有氣礦泉水只售 aud 0.9．
上網電話卡 smartone 的貴，aud 22 只得 500MB，還要有的地方收不到，我今次使用的 virgin mobile，不錯，aud $21，有 1GMB，而且去到 green island 都收得好好，smartone 就只有 SOS ONLY．
用 iphone share hotspot，pre-paid 卡是會自動 disable 這功能，幸好我的 JB 了，可以再安裝 TETHERING 的東西，強逼使用 HOTSPOT，走的時候，不斷的使用都是用了 700MB．．．
澳洲的手信店價錢相差很大，經過一間 closing 的店，差不多是半價，但原來發現，在 paddy's market 的是最便宜的．．．女人街嘛．
UGG 的毛毛產品，四周都係，不過都是很貴，返香港先知，原來香港買的只要 HKD 1400，我的朋友仲可以拿 discount．．．
在 green island 浮潛，因為我們是住客，用品是包的，否則什麼都要付款借，下次再去的話，一定自備．．．
在悉尼由 circular quay 到中央車站，就好像是尖沙咀到旺角的距離，不過好行好多，舒服些，坐鐵路都可以，不過買來回會便一些，如果可以坐免費的 555 號巴士更好，可是，星期一至三，只開到下午三點，星期四，五，和週末呢，會開到六點．．．
在 opal museum，貨物價錢都算可接受，而且有保證，唔怕俾人呃，在 paddy's market 也有一檔有証明正貨的，應該可以考慮，但是在 george street 的上樓店呢．．．有點感覺不好，像香港的上樓金工場，珠寶工場．．．
澳洲二月尾不算熱，踏入秋季，導遊說是十幾年來最冷的夏季，不過，太陽很猛，幸好天陰陰，不算太辛苦．．．但防曬工作不可少呢．．．
去浮潛一定要帶防水的相機袋和手機袋，以為用開的一個沒問題，原來會入一點的水，我的 iphone4S 沾了點海水呀．．．開頭手機有點問題，幸好現在正常番咋．．．